காதல்:
அது வந்தது என் வாழ்விலும் ஒருமுறை.
பணம் இருக்கும் வரை நிலைத்தது
பணம் இல்லை என்றதும் பறந்தது.
பணம் தான் அதன் தேவை என்றால்
பிறகு நான் எதற்கு அதற்கு.
அன்பு:
தேவையின் நிமிர்த்தம் மட்டுமே தேடி வரும்.
பணம்:
நான் பணத்தை மதித்ததில்லை.
அதுவும் நிலைத்ததில்லை.
இல்லாததை நான் மதிக்க
அவசியமும் இல்லை.
நட்பு:
"உயர்ந்தாலும் தாழ்ந்தாலும் இவன் என் நண்பன்".
என்று சொல்லவே யோசித்தது.
உறவு:
கொடுத்து நிறையாது.
கொடுத்த ஏதும் திரும்பி வராது.
உலகம்:
இங்கு வாழ குறைந்த பட்ச தகுதிகளான
பொய் பித்தலாட்டம் உன்னிடம் இல்லை என்றது.
அதனால், உனக்கு இங்கு வாழும் தகுதி இல்லை என்றது.
மக்கள்:
பெற்றுக் கொள்ள ஏதும் இல்லாததால்
விலகி செல்ல தயங்கவில்லை.
இறைவன்:
படைப்பது மட்டுமே என் வேலை.
அனுபவிப்பது உன் வேலை என்று சொல்லி விட்டான்.
துணை:
எதிர் பார்த்து ஏமாறவும் விருப்பம் இல்லை.
ஏமாற்றவும் விருப்பம் இல்லை.
வாழ்க்கை:
அது செல்லும் தூரம் வரை நானும் செல்வேன்.
தோல்வி:
வாழ்க்கை முழுவதும் அதுதான்.
என் பல தோல்விக்கு கரணமும் நான் தான்.
வெற்றி:
பிடிக்காதவர் யாரும் இல்லை.
எதிர்பார்த்து ஏமாற்றமே மிச்சம்.
கிடைத்ததையும் பயன்படுத்திக்
கொள்ளாமல் விட்டு விட்டேன்.
தனிமை:
எனக்கு ஆறுதல் துணை இவன் மட்டுமே.
எதிர்காலம்:
அது காலம் கடந்து வந்து பயனும் இல்லை.
அதை ஒரு கை பார்க்காமல் விடுவதாகவும் இல்லை.
வாழ்க்கை கற்று தரும் பாடம் அதிகம்.
நிலை தாழும் முன் கற்றது குறைவு,
நிலை தாழ்ந்த பின் கற்றது அதிகம்.
Thanks For Your Comment...